Habarika | RIO 2016: LICHA YA KUPINGWA VIKALI NA WAANDAMANAJI, HATIMAYE MWENGE WA OLIMPIKI WAFIKA JIJINI RIO
layout-wrap boxed
Thursday, September 21, 2017

RIO 2016: LICHA YA KUPINGWA VIKALI NA WAANDAMANAJI, HATIMAYE MWENGE WA OLIMPIKI WAFIKA JIJINI RIO

torch

Mwenge wa Olimpiki umefika katika mji wa Rio de Janeiro kwa kutumia usafiri wa boti baada ya ziara ya muda wa miezi mitatu kuzunguuka miji mikubwa ya Brazil.

Meya wa mji wa Rio, Eduardo Paes, ndiye aliyeubeba mwenge huo wa Olimpiki miongoni mwa watu wachache waliofanikiwa kuushika.

Safari hiyo ya miezi mitatu haikuwa rahisi kwani kuna wakati msafara wa mwenge huo wa Olimpiki ulipokuwa ukipitishwa ulikumbana na waandamanaji wenye hasira kali kuhusiana na suala la gharama kubwa zilizotumika mpaka kuwa wenyeji wa michuano hiyo maarufu ulimwenguni.

Polisi wa kutuliza ghasia iliwalazimu kutumia mabomu ya machozi na pilipili za kupuliza ili kuwatawanya waandamanaji hao wenye hasira .Kwa sasa nchi ya Brazil inapita katika kipindi cha mpito wa hali mbaya ni katika mtego wa anguko kubwa la kiutawala na mgogoro wa kisiasa, na maandamano zaidi yanatarajiwa siku ya ufunguzi wa michuano hiyo ya Olimpiki inayotarajiwa siku ya Ijumaa.

Waandaaji wa michuano hiyo wameonesha masikitiko yao makubwa kutokana na mwitikio mdogo ulooneshwa na wabrazil kwani tiketi zaidi ya milioni moja bado hazijanunuliwa huku sherehe za ufunguzi zimekaribia.

Sambaza Makala hii: Share on Facebook0Tweet about this on TwitterShare on LinkedIn1Share on Google+0Email this to someone

You may also like


Warning: file_get_contents(http://graph.facebook.com/?ids=http://habarika.com/rio-2016-licha-ya-kupingwa-vikali-na-waandamanaji-hatimaye-mwenge-wa-olimpiki-wafika-jijini-rio/): failed to open stream: HTTP request failed! HTTP/1.1 403 Forbidden in /home/habarika/public_html/wp-content/themes/habarika/elements/element.php on line 80
0 comments

By