Habarika | MGODI WA GEITA WATOZWA FAINI YA SH MILIONI 10 KWA KUKOSA CHOO CHA WAFANYAKAZI ZAIDI YA 300
layout-wrap boxed
Thursday, September 21, 2017

MGODI WA GEITA WATOZWA FAINI YA SH MILIONI 10 KWA KUKOSA CHOO CHA WAFANYAKAZI ZAIDI YA 300

MGODI

Mgodi maarufu wa dhahabu mjini Geita wa GGM umekumbana na adhabu ya Baraza la Taifa la Hifadhi na Usimamizi wa Mazingira NEMC katika Ziara ya Naibu Waziri Ofisi ya Makamu wa Rais Muungano na Mazingira Mhe. Luhaga Mpina Mkoani Geita.

faini hiyo inatokana na kosa  la kukosa vyoo vya wafanyakazi zaidi ya mia tatu (300) katika eneo la chini ya ardhi underground la uchimbaji wa madini ya dhahabu.

Hali hiyo imeipelekea NEMC kuutoza mgodi huo faini ya shilingi milioni 10, zinazotakiwa kulipwa ndani ya siku kumi na nne.

Katika ziara hiyo iliyomlazimu Naibu Waziri Mpina kuvaa vifaa maluum  ili kuweza kuingia katika eneo la chini ya ardhi lenye mwamba mkubwa wa mgodi huo, akiambatana na baadhi ya maafisa aliongozana nao katika ziara yake, Naibu Waziri alijionea namna ambavyo eneo lenye idadi kubwa ya wafanyakazi kukosa  huduma hiyo muhimu  ya choo inayowapelekea kujisaidia vichakani na kuharibu mazingira.

Aidha Naibu Waziri Mpina pia aliweza kujionea uharibifu mwingine unaofanywa na mgodi huo wa utiririshwaji wa Maji ya mvua yaliyochanganyikana na madawa hatarishi kwa mazingira na viumbe hai kwenda kwenye  makazi ya wananchi.

Kufuatia hali hiyo, Naibu waziri Mpina alielekeza uongozi wa mgodi huo kujenga miundombinu rafiki kwa mazingira yatakayopelekea maji hayo kwenda katika mkondo sahihi.

Akiongea kwa Niaba ya GGM makamu wa Rais wa   Mgodi huo Bw. Simon Mushy, alisema kuwa wapo kwenye mchakato wa kujenga miundombinu kwa kushiriana na Halmashauri ya Mji wa Geita.

Kwa upande wa  mmoja wa wakazi wa kijiji cha Katoma Bi. Magori James Katoka  alisema kuwa vumbi na maji ya mvua vinavyotoka kwenye mgodi huo vimekuwa ni kero na changamoto ya muda mrefu katikma kijiji hicho.

Pamoja na malalamiko mengi ya wakazi wa Katoma Geita kuhusu uharibifu wa mazingira unaofanywa na mgodi wa GGM, Mgodi huo pia umefanya shughuli mbalimbali za kijamii ikiwa ni pamoja na kusambza maji safi a salama katika mji wa Geita ukishirikiana na  mamlaka ya maji safi na maji taka ya Mkoa huo.

Ziara ya Naibu Waziri Mpina Katika Mkoa wa geita ni muendelezo wa ziara yake ya ukaguzi wa mazingira, viwanda na migodi nchini.

Sambaza Makala hii: Share on Facebook0Tweet about this on TwitterShare on LinkedIn1Share on Google+0Email this to someone

You may also like


Warning: file_get_contents(http://graph.facebook.com/?ids=http://habarika.com/mgodi-wa-geita-watozwa-faini-ya-sh-milioni-10-kwa-kukosa-choo-cha-wafanyakazi/): failed to open stream: HTTP request failed! HTTP/1.1 403 Forbidden in /home/habarika/public_html/wp-content/themes/habarika/elements/element.php on line 80
0 comments

By